66° 23 North West / Norð Vestur DVD

Norð Vestur rekur atburðarrás björgunaraðgerða á Flateyri eftir mikið snjóflóð sem fell á bæinn aðfaranótt 26. október 1995. Áður en aðstoð barst Flateyringum voru þeir einir í nærri fimm klukkustundir að leita, finna og grafa upp nágranna sína, vini og ættingja, og skipuleggja aðgerðir. Margar hindranir voru í vegi björgunarsveita úr
nágrannabyggðum og af landinu öllu, bæði veðurofsi og snjóflóðahætta. Snjóflóðið reyndist eitt mannskæðasta snjóflóð á Íslandi á okkar tímum og markaði árið 1995 tímamót í hamfarasögu landsins, en alls fórust 35 manns í flóðum það ár.
Í 100 mínútna fyrri hluta segja frá þessum atburði yfir 40 einstaklingar, heimafólk, aðstandendur, björgunar- og fjölmiðlafólk og fjöldi þjóðþekktra Íslendinga.
Í síðari hluta, 48 mínútur, eru rakin þau áhrif sem hamfaraárið 1995 hafði á viðhorf Íslendinga til varna gegn náttúrvá og þann lærdóm sem draga má af baráttu Íslendinga við náttúruöflin.


"Íslandssaga einsog á að segja hana"
ÓHT, Rás 2

"Kvikmynd sem er svo áhrifamikil verður ekki lýst í stuttu máli"
Stakkur, BB

"Nær vel utan um þann mikla kjark sem íbúarnir sýndu á ögurstundinni þegar allir Íslendingar urðu sem einn maður"
RT, DV

"Áhrifaríkust eru viðtölin við þau sem lentu undir flóðinu"
BG, MBL

"Maður skynjar þær miklu og sáru tilfinningar sem flóðið vakti fremur en að þeim sé slett framan í áhorfandann" IJ, DV